男性第一號
《男性第一號》Lâm-sìng Tē-it-hō
林泰山Lîm Thài-san
——————————————
為男性應該著愛
uî lâm-sìng ing-kai tio̍h-ài
毋通來予人批評
m̄-thang lâi hōo-lâng phue-phîng
做頭路著愛理性
tsuè thâu-lōo tio̍h-ài lí-sìng
也著愛認真
iā tio̍h-ài jīn-tsin
失敗毋通凝心
sit-pāi m̄-thang gîng-sim
才是好男性
tsiah-sī hó lâm-sìng
對朋友應該著愛
tuì pîng-iú ing-kai tio̍h-ài
坦白佮和藹
thán-pe̍h kah hô-ái
為人愛守情義
uî-lâng ài siú tsîng-gī
這就是男性中的男性
tse tiō-sī lâm-sìng tiong ê lâm-sìng
為社會來貢獻
uī siā-huē lâi kòng-hiàn
為別人來拍拚
uī pa̍t-lâng lâi phah-piànn
怎樣的艱苦
tsuánn-iūnn ê kan-khóo
也是真願意
iā-sī tsin guān-ì
毋是只有為錢
m̄-sī tsí-ū uī tsînn
享受著一切
hiáng-siū tio̍h it-tshè
男性的本錢
lâm-sìng ê pún-tsînn
就是飄撇的心情
tiō-sī phiau-phiat ê sim-tsîng
有氣概有勇氣
ū khì-khài ū ióng-khì
這就是男性中的男性
tse tiō-sī lâm-sìng tiong ê lâm-sìng
為情愛雖然來失敗
uī tsîng-ài sui-jiân lâi sit-pāi
也毋通來悲哀
iā m̄-thang lâi pi-ai
男性中的男性
lâm-sìng tiong ê lâm-sìng
就是有志氣
tiō-sī ū tsì-khì
一定毋通失意
it-tīng m̄-thang sit-ì
向前來立志
hiòng-tsiân lâi li̍p-tsì
男性的一生前途
lâm-sìng ê it-sing tsiân-tôo
就是靠勇氣
tiō-sī khò ióng-khì
有耐心有理智
ū nāi-sim ū lí-tì
這就是男性中的男性
tse tiō-sī lâm-sìng tiong ê lâm-sìng
