夜半思情
《夜半思情》Iā-puànn Su Tsîng
簡美雀Kán Bí-tshiok
——————————————
日月流轉光陰如箭
ji̍t-gua̍t liû-tsuán kong-im jû tsìnn
離開故鄉有數年
lī-khui kòo-hiong ū sòo-nî
每逢更深夜靜
muí hông kinn tshim iā tsīng
看見月伴星
khuànn-kìnn ge̍h phuānn tshinn
總是想著故鄉的你
tsóng-sī siūnn-tio̍h kòo-hiong ê lí
往日咱綿綿情意
óng-ji̍t lán mî-mî tsîng-ì
毋敢放袂記
m̄-kánn pàng-buē-kì
你真情賜我勇氣
lí tsin-tsîng sù guá ióng-khì
為著幸福
uī-tio̍h hīng-hok
為著前途
uī-tio̍h tsiân-tôo
忍受一切
jím-siū it-tshè
等我成功回鄉里
tán guá sîng-kong huê hiunn-lí
