痴情布袋港
《痴情布袋港》Tshi-tsîng Pòo-tē-káng
簡美雀Kán Bí-tshiok
——————————————
布袋港予我心茫茫
Pòo-tē-káng hōo guá sim bâng-bâng
出世在漁港
tshut-sì tsāi hî-káng
每日討海心輕鬆
muí-ji̍t thó-hái sim khin-sang
船螺聲音欲出帆
tsûn-lê siann-im beh tshut-phâng
想起著心愛的人
siūnn-khí tio̍h sim-ài ê lâng
一生只愛你一人
it-sing tsí ài lí tsi̍t-lâng
為著將來愛忍耐
uī-tio̍h tsiong-lâi ài jím-nāi
痛苦啥人知
thòng-khóo siánn-lâng tsai
雖然佮你分東西
sui-jiân kah lí hun tang-sai
阮也真忍耐
gún iā tsin jím-nāi
成功奮鬥倒轉來
sîng-kong hùn-tàu tò-tńg–lâi
期待咱的好將來
kî-thāi lán ê hó tsiong-lâi
