行船兄
《行船兄》Kiânn-tsûn-hiann
李清風Lí Tshing-hong
——————————————
日出東
ji̍t tshut tang
行船人透早著出帆
kiânn-tsûn-lâng thàu-tsá tio̍h tshut-phâng
聽鑼聲上甲枋
thiann lô-siann tsiūnn kah-pang
準備欲動工
tsún-pī bueh tāng-kang
雖然是工作粗重
sui-jiân sī kang-tsok tshoo-tāng
感覺真輕鬆
kám-kak tsin khin-sang
也是為著伊一人
iā-sī uī-tio̍h i tsi̍t-lâng
咱將來達希望
lán tsiong-lâi ta̍t hi-bāng
會得做成雙
ē-tit tsuè-tsiânn sang
波浪中透中晝
pho-lōng tiong thàu-tiong-tàu
全身汗那流
tsuân-sin kuānn ná lâu
想日後
siūnn ji̍t-āu
也毋驚炎天赤日頭
iā m̄-kiann iâm thinn tshiah ji̍t-thâu
為對伊甘心奮鬥
uī tuì i kam-sim hùn-tàu
船隻做阮兜
tsûn-tsiah tsò gún tau
天邊海角著亂走
thinn-pinn hái-kak tio̍h luān tsáu
真希望日子到
tsin hi-bāng ji̍t-tsí kàu
雙喜掛門頭
siang-hí kuà mn̂g-thâu
日近西黃昏時
ji̍t kīn sai hông-hun sî
海鳥叫聲啼
hái-tsiáu kiò-siann thî
船入港靠岸邊
tsûn ji̍p-káng khò huānn-pinn
褪去烏油衣
thǹg khì oo-iû-i
有約束盈暗相見
ū iok-sok îng-àm sio-kìnn
踮在夜都市
tiàm-tsāi iā to-tshī
伊陪伴阮啉咖啡
i puê-phuānn gún lim ka-pi
行船人上正氣
kiânn-tsûn-lâng siōng tsìng-khì
有情佮有義
ū-tsîng kah ū-gī
