飄撇的靈魂
《飄撇的靈魂》Phiau-phiat ê Lîng-hûn
夕陽武士樂團Si̍k-iông Bú-sū Ga̍k-thuân
——————————————
恬恬離開
tiām-tiām lī-khui
是想欲
sī siūnn-beh
減輕我心內傷悲
kiám-khin guá sim-lāi siong-pi
吵鬧的環境
tshá-nāu ê huân-kíng
予人看袂清
hōo-lâng khuànn buē-tshing
當初的模樣
tong-tshoo ê bôo-iūnn
浪漫的言語
lōng-bān ê giân-gí
漸漸已經不再講出喙
tsiām-tsiām í-king put-tsài kóng tshut-tshuì
啥人敢坦白講出抱歉
siánn-lâng kám thán-pe̍h kóng-tshut phō-khiàm
只是想欲脫離
tsí-sī siūnn-beh thuat-lî
會當當做無聽見
ē-tàng tòng-tsuè bô thiann–kìnn
繼續當做無看見
kè-sio̍k tòng-tsuè bô khuànn–kìnn
原來失去的空氣
guân-lâi sit–khì ê khong-khì
空虛稀微
khang-hi hi-bî
三更半暝
sann-kinn-puànn-mî
怎樣拍開我的心
tsuánn-iūnn phah-khui guá ê sim
原來解脫的過程
guân-lâi kái-thuat ê kuè-tîng
心像針咧揻
sim tshiūnn tsiam teh ui
你背後的我
lí puē-āu ê guá
藏袂著珠淚
tshàng buē-tio̍h tsu-luī
所以將手崁佇面前
sóo-í tsiong tshiú khàm tī bīn-tsîng
仝款的個性
kāng-khuán ê kò-sìng
無仝款的情
bô kāng-khuán ê tsîng
無奈這又閣如何
bô-nāi tse iū-koh jû-hô
孤單的路
koo-tuann ê lōo
雖然浮浮沉沉
sui-jiân phû-phû-tîm-tîm
結束悲傷
kiat-sok pi-siong
向前行去
hiòng-tsîng kiânn–khì
總是愛行過
tsóng–sī ài kiânn–kuè
嘛愛有疼過
mā ài ū thiànn–kuè
才是飄撇的作為
tsiah-sī phiau-phiat ê tsok-uî
—
春天會過
tshun-thinn ē kuè
也會閣來
iā ē koh lâi
青春一去
tshing-tshun tsi̍t-khì
是袂轉來
sī buē tńg–lâi
懷念是當初見面時
huâi-liām sī tong-tshoo kìnn-bīn sî
傷心事隨目屎流去
siong-sim sū suî ba̍k-sái lâu–khì
