仝款的人
《仝款的人》Kāng-khuán ê Lâng
夕陽武士樂團Si̍k-iông Bú-sū Ga̍k-thuân
曹小歐Tsô Sió-au
——————————————
你我攏是仝款的人
lí guá lóng-sī kāng-khuán ê lâng
互相扶持相倚
hōo-siong hû-tshî sio-uá
有講也有笑
ū kóng iā ū tshiò
一直是我唯一願望
it-ti̍t sī guá uî-it guān-bāng
我也毋驚風吹雨淋
guá iā m̄-kiann hong tshue hōo lâm
因為有你陪伴
in-uī ū lí puê-phuānn
心情沉重
sim-tsîng tîm-tāng
佳哉猶有你鼓勵我
ka-tsài iáu-ū lí kóo-lē guá
留袂牢青春
lâu bē-tiâu tshing-tshun
彼又閣按怎
he iū-koh án-tsuánn
留著滿滿的是記念
lâu tio̍h muá-muá–ê sī kì-liām
毋管好䆀
m̄-kuán hó-bái
想著就袂驚
siūnn-tio̍h tiō buē kiann
未來的誓言
bī-lâi ê sè-giân
我也無咧聽
guá iā bô teh thiann
上重要是有你做伴
siōng tiōng-iàu sī ū lí tsuè-phuānn
想欲聽著你的聲
siūnn-beh thiann-tio̍h lí ê siann
唱這條予你的歌
tshiùnn tsit tiâu hōo lí ê kua
—
因為你的這條歌
in-uī lí ê tsit tiâu kua
希望你永遠伨我
hi-bāng lí íng-uán thīn guá
