音樂心
https://www.facebook.com/DenxTaiwanMusic/videos/1333376460072169
《音樂心》Im-ga̍k Sim
臺北室內合唱團Tâi-pak Sik-lāi Ha̍p-tshiùnn-thuân
——————————————
我來演奏一首曲
guá lâi ián-tsàu tsi̍t-siú khik
予春天聽
hōo tshun-thinn thiann
春風隨隨探頭出來看
tshun-hong suî-suî thàm-thâu tshut-lâi khuànn
鳥仔排規排
tsiáu-á pâi kui-pâi
自動鬥合聲
tsū-tōng tàu ha̍p-siann
花蕊嘛予音樂唌
hue-luí mā hōo im-ga̍k siânn
相爭開花聽真正
sio-tsinn khui-hue thiann tsin-tsiànn
我來演唱一首歌
guá lâi ián-tshiùnn tsi̍t-siú kua
予月娘聽
hōo gue̍h-niû thiann
雲彩隨隨讓路予伊行
hûn tshái suî-suî niū-lōo hōo i kiânn
星群徛規陣
tshinn-kûn khiā kui-tīn
欣賞好歌聲
him-sióng hó kua-siann
月光歡喜放煙花
gue̍h-kng huann-hí pàng ian-hue
天地掖甲滿四界
thinn-tē iā kah muá-sì-kè
音符若是水滴
im-hû nā-sī tsuí-tih
旋律就是溪水
suân-lu̍t tiō-sī khe-tsuí
流入去大海
lâu ji̍p-khì tuā-hái
流對全世界
lâu tuì tsuân sè-kài
音樂予世界
im-ga̍k hōo sè-kài
充滿了愛
tshiong-buán liáu ài
咱來做陣
lán lâi tsuè-tīn
演奏予逐家聽
ián-tsàu hōo ta̍k-ke thiann
音樂隨隨共咱招做倚
im-ga̍k suî-suî kā lán tsio tsuè-uá
舞臺跤舞臺頂
bú-tâi kha bú-tâi tíng
愛音樂仝款心
ài im-ga̍k kāng-khuán sim
受氣予伊化平靜
siūnn-khì hōo i huà pîng-tsīng
悲傷憂愁囥一邊
pi-siong iu-tshiû khǹg tsi̍t-pinn
音符若是文字
im-hû nā-sī bûn-jī
旋律就是歌詩
suân-lu̍t tiō-sī kua-si
流入去腦海
lâu ji̍p-khì náu-hái
流對人心內
lâu tuì lâng sim-lāi
音樂是上蓋真誠的愛
im-ga̍k sī siōng-kài tsin-sîng ê ài
流入去大海
lâu ji̍p-khì tuā-hái
流對全世界
lâu tuì tsuân sè-kài
音樂予世界
im-ga̍k hōo sè-kài
充滿了愛
tshiong-buán liáu ài
流入去腦海
lâu ji̍p-khì náu-hái
流對人心內
lâu tuì lâng sim-lāi
音樂是上蓋真誠的愛
im-ga̍k sī siōng-kài tsin-sîng ê ài
