春天永遠佇你身邊
《春天永遠佇你身邊》Tshun-thinn Íng-uán Tī Lí Sin-pinn
臺北室內合唱團Tâi-pak Sik-lāi Ha̍p-tshiùnn-thuân
——————————————
春風輕輕吹過來
tshun-hong khin-khin tshue–kuè-lâi
共歌吹入去你心內
kā kua tshue ji̍p-khì lí sim-lāi
春風用伊的手演奏
tshun-hong iōng i ê tshiú ián-tsàu
一音唱出一个愛
tsi̍t-im tshiùnn-tshut tsi̍t-ê ài
春天永遠佇你身邊
tshun-thinn íng-uán tī lí sin-pinn
春天永遠佇你身邊
tshun-thinn íng-uán tī lí sin-pinn
春天的歌
tshun-thinn ê kua
永遠唱攏袂煞
íng-uán tshiùnn lóng buē-suah
春天是你的戀歌
tshun-thinn sī lí ê luân-kua
春風清清
tshun-hong tshing-tshing
藏花芳
tshàng hue-phang
染你的喙䫌一抹紅
ní lí ê tshuì-phué tsi̍t-buah âng
花芳是春天的氣息
hue-phang sī tshun-thinn ê khì-sik
送予戀愛中的人
sàng hōo luân-ài tiong ê lâng
春天永遠佇你身邊
tshun-thinn íng-uán tī lí sin-pinn
春天永遠佇你身邊
tshun-thinn íng-uán tī lí sin-pinn
春天的筆
tshun-thinn ê pit
寫五彩的歌詩
siá ngóo-tshái ê kua-si
春天是你的胭脂
tshun-thinn sī lí ê ian-tsi
春風陣陣
tshun-hong tsūn-tsūn
傳鳥吟
thuân tsiáu-gîm
鳥吟是愛情的心音
tsiáu-gîm sī ài-tsîng ê sim-im
春天用愛
tshun-thinn iōng ài
迎接世界
gîng-tsiap sè-kài
用花鎖牢你的心
iōng hue só tiâu lí ê sim
春天永遠佇你身邊
tshun-thinn íng-uán tī lí sin-pinn
春天永遠佇你身邊
tshun-thinn íng-uán tī lí sin-pinn
春天的線
tshun-thinn ê suànn
繡花草真好看
siù hue-tsháu tsin hó-khuànn
春天是你的媠衫
tshun-thinn sī lí ê suí-sann
