悲情鴛鴦夢
《悲情鴛鴦夢》Pi-tsîng Uan-iunn Bāng
張淑美Tiunn Siok-bí
——————————————
青梅竹馬情意好
tshing-muî tik-má tsîng-ì hó
今日海邊再見哥
kim-ji̍t hái-pinn tsài kìnn ko
青春美夢有所靠
tshing-tshun bí-bāng ū sóo khò
期待早日浴愛河
kî-thāi tsá-ji̍t io̍k ài-hô
無疑環境不如意
bô-gî khuân-kíng put-jû-ì
鴛鴦拆分離
uan-iunn thiah hun-lî
青梅竹馬相意愛
tshing-muî tik-má sio ì-ài
今日海邊分東西
kim-ji̍t hái-pinn hun tang-sai
舊情綿綿難分開
kū-tsîng mî-mî lân hun-khai
暗中悲傷流目屎
àm-tiong pi-siong lâu ba̍k-sái
風雨無情害青春
hong-hōo bô-tsîng hāi tshing-tshun
悲情鴛鴦恨
pi-tsîng uan-iunn hūn
青梅竹馬痴情心
tshing-muî tik-má tshi-tsîng sim
今日海鳥傳悲音
kim-ji̍t hái-tsiáu thuân pi-im
愛慕情意難得忍
ài-bōo tsîng-ì lân-tit jím
甘願青春來犧牲
kam-guān tshing-tshun lâi hi-sing
波浪無情斷芳魂
pho-lōng bô-tsîng tuān hong-hûn
悲情鴛鴦恨
pi-tsîng uan-iunn hūn
