我已經了解
《我已經了解》Guá Í-king Liáu-kái
劉美花Lâu Bí-hua
——————————————
已經我對你真了解
í-king guá tuì lí tsin liáu-kái
毋管你閣提出啥款
m̄-kuán lí koh thê-tshut siánn-khuán
對我辯解
tuì guá piān-kái
以前我是
í-tsiân guá sī
予你騙毋知
hōo lí phiàn m̄-tsai
所以才將我
sóo-í tsiah tsiong guá
寶貴的身軀
pó-kuì ê sin-khu
被彼隻野蜂
pī hit tsiah iá-phang
將花採
tsiong hue tshái
你免閣再花言巧語
lí bián koh-tsài hua-giân kháu-gí
我已經真了解
guá í-king tsin liáu-kái
已經我對你真了解
í-king guá tuì lí tsin liáu-kái
請你毋免
tshiánn lí m̄-bián
搬出彼款感情對待
puann tshut hit khuán kám-tsîng tuì-thāi
予你騙
hōo lí phiàn
是一改無兩改
sī tsi̍t-kái bô nn̄g-kái
何必來對阮
hô-pit lâi tuì gún
體貼著將來
thé-thiap tio̍h tsiong-lâi
我對你已經失信心
guá tuì lí í-king sit sìn-sim
你免閣再花言巧語
lí bián koh-tsài hua-giân kháu-gí
我已經真了解
guá í-king tsin liáu-kái
