約會驚人知
《約會驚人知》Iok-huē Kiann Lâng Tsai
劉美花Lâu Bí-hua
——————————————
兩人有意愛
nn̄g-lâng ū ì-ài
約束驚人知
iok-sok kiann lâng tsai
相?行港邊
sio-tshuā kiânn káng-pinn
心肝袂自在
sim-kuann buē tsū-tsāi
想欲對你手牽手
siūnn-beh tuì lí tshiú khan-tshiú
心頭嗶噗惝
sim-thâu pi̍t-po̍k-tsháinn
啊~天頂月娘
ah~ thinn-tíng gue̍h-niû
笑阮是戇大呆
tshiò gún sī gōng-tuā-tai
月娘浮上山
gue̍h-niû phû tsiūnn suann
約會在港岸
iok-huē tsāi káng-huānn
海風提醒阮
hái-hong thê-tshínn gún
愛情千萬莫相瞞
ài-tsîng tshian-bān mài sio-muâ
想欲問你一句話
siūnn-beh mn̄g lí tsi̍t-kù uē
阮的人是按怎
gún ê lâng sī-án-tsuánn
啊~看你歹勢
ah~ khuànn lí pháinn-sè
阮的心內嗶噗彈
gún ê sim-lāi pi̍t-po̍k tuānn
↓↓(口白)—(口白)↓↓
喂!菁仔欉
ueh! tshinn-á-tsâng
今仔日阮佮你約會
kin-á-ji̍t gún kah lí iok-huē
是頭一擺的呢
sī thâu tsi̍t-pái–ê neh
你敢知影
lí kám tsai-iánn
你無準時來到這个所在
lí bô tsún-sî lâi-kàu tsit-ê sóo-tsāi
實在是氣死人
si̍t-tsāi sī khì-sí lâng
↑↑(口白)—(口白)↑↑
想欲對你手牽手
siūnn-beh tuì lí tshiú khan-tshiú
心頭嗶噗惝
sim-thâu pi̍t-po̍k-tsháinn
啊~天頂月娘
ah~ thinn-tíng gue̍h-niû
笑阮是戇大呆
tshiò gún sī gōng-tuā-tai
