戀戀痴情港
《戀戀痴情港》Luân-luân Tshi-tsîng Káng
鄭喬安Tēnn Kiâu-an
——————————————
風輕輕吹入阮心房
hong khin-khin tshue ji̍p gún sim-pâng
啊吹著阮對你的思念
ah tshue tio̍h gún tuì lí ê su-liām
春去秋來又一冬
tshun khì tshiu lâi iū tsi̍t-tang
想起故鄉彼个人
siūnn-khí kòo-hiong hit ê lâng
片片落葉
phìnn-phìnn lo̍h-hio̍h
陪阮心哀怨
puê gún sim ai-uàn
孤單的暗暝
koo-tuann ê àm-mî
遮冷淡
tsiah líng-tām
唱一首老歌
tshiùnn tsi̍t-siú lāu-kua
懷念愛情夢
huâi-liām ài-tsîng bāng
這份真情的向望
tsit hūn tsin-tsîng ê ǹg-bāng
最後變成一場空
tsuè-āu piàn-sîng tsi̍t-tiûnn khang
怎樣忍心放阮
tsuánn-iūnn jím-sim pàng gún
夜夜等
iā-iā tán
明明愛甲戀戀戀
bîng-bîng ài kah lua̋n-luân-luân
哪會愛甲茫茫茫
ná ē ài kah ba̋ng-bâng-bâng
如今害阮
jû-kim hāi gún
困在痴啊痴情港
khùn tsāi tshi–ah tshi-tsîng káng
戇戇愛著一个人
gōng-gōng ài-tio̍h tsi̍t-ê lâng
最後痴心換絕望
tsuè-āu tshi-sim uānn tsua̍t-bāng
敢講你啊你
kám-kóng lí–ah lí
無帶念
bô tài-liām
