交心酒
《交心酒》Kau-sim Tsiú
楊烈Iûnn Lia̍t
狄鶯Ti̍k Ing
——————————————
女)
徛踮路邊仔沃雨
khiā tiàm lōo-pinn-á ak-hōo
毛毛仔的小雨
mn̂g-mn̂g-á ê sió-hōo
雨水小可仔冷冷
hōo-tsuí sió-khuá-á líng-líng
雙手嘛冷冰冰
siang-tshiú mā líng ping-ping
無人來牽阮的手
bô-lâng lâi khan gún ê tshiú
心肝嘛拍結毬
sim-kuann mā phah-kat-kiû
到底啥人來要求
tàu-té siánn-lâng lâi iau-kiû
對阮的心溫柔
tuì gún ê sim un-jiû
男)
等你等到天欲光
tán lí tán-kah thinn bueh kng
寒風也冷霜霜
hân-hong iā líng sng-sng
毋知啥物時陣
m̄-tsai siánn-mih sî-tsūn
心情才袂憂悶
sim-tsîng tsiah buē iu-būn
袂當牽著你的手
buē-tàng khan-tio̍h lí ê tshiú
心肝又拍結毬
sim-kuann iū phah-kat-kiû
今夜用酒來解愁
kim-iā iōng tsiú lâi kái-tshiû
望你對我溫柔
bāng lí tuì guá un-jiû
女)
啉一杯交心的酒
lim tsi̍t-pue kau-sim ê tsiú
牽一个媠媠的手
khan tsi̍t-ê suí-suí ê tshiú
今生今世咱做伙行
kim-sing kim-sè lán tsuè-hué kiânn
毋免閣心驚惶
m̄-bián koh sim kiann-hiânn
男)
啊~啉一杯交心的酒
ah~ lim tsi̍t-pue kau-sim ê tsiú
感情守久的人贏
kám-tsîng tsiúnn kú ê lâng iânn
緣份若是行到遮
iân-hūn nā-sī kiânn kàu tsia
心頭著愛掠予定
sim-thâu tio̍h-ài lia̍h hōo tiānn
