薄命花
《薄命花》Po̍k-bīng Hue
鄭琇月Tēnn Siù-gua̍t
——————————————
含蕊牡丹啊花當紅
hâm-luí bóo-tan–ah hue tng âng
為著薄情伊一人
uī-tio̍h po̍k-tsîng i tsi̍t-lâng
虛情假愛來戲弄
hi-tsîng ké-ài lâi hì-lāng
誤阮青春啊好花欉
ngōo gún tshing-tshun–ah hó hue-tsâng
花蕊搢風啊吹落地
hue-luí tsìnn-hong–ah tshue lo̍h-tē
青春一去不再回
tshing-tshun tsi̍t-khì put-tsài huê
當初若莫遐痴迷
tong-tshoo nā mài hiah tshi-bê
如今也免啊遮狼狽
jû-kim iā bián–ah tsiah liông-puē
受盡風霜啊的花蕊
siū-tsīn hong-song–ah ê hue-luí
落塗已經失芳味
lo̍h-thôo í-king sit phang-bī
思念初戀彼當時
su-liām tshoo-luân hit-tong-sî
傷心目屎啊掛目墘
siong-sim ba̍k-sái–ah kuà ba̍k-kînn
