二十
《二十》Jī-tsa̍p
等阮返來(等阮轉來樂團Tán GuánTńg–lâi Ga̍k-thuân)
——————————————
我今年二十歲
guá kin-nî jī-tsa̍p huè
看無偌濟
khuànn bô guā-tsē
我分袂清
guá hun bē-tshing
愛情的一切
ài-tsîng ê it-tshè
我今年二十歲
guá kin-nî jī-tsa̍p huè
趁無偌濟
thàn bô guā-tsē
親像大海
tshin-tshiūnn tuā-hái
跤踏無地
kha ta̍h-bô tē
啊~愛人你是走去佗
ah~ ài-jîn lí sī tsáu-khì tueh
啊~想欲綴你四界飛
ah~ siūnn-beh tuè lí sì-kè pue
你欲離開彼一暝
lí beh lī-khui hit tsi̍t-mê
原因全然無解說
guân-in tsuân-jiân bô kái-sueh
無你
bô lí
我欲行去佗
guá beh kiânn khì tueh
愛你愛甲傷超過
ài lí ài kah siunn tshiau-kuè
我今年二十歲
guá kin-nî jī-tsa̍p huè
看無偌濟
khuànn-bô guā-tsē
我分袂清
guá hun bē-tshing
愛情的一切
ài-tsîng ê it-tshè
你欲離開彼一暝
lí beh lī-khui hit tsi̍t-mê
原因全然無解說
guân-in tsuân-jiân bô kái-sueh
無你
bô lí
我欲行去佗
guá beh kiânn khì tueh
愛你愛甲傷超過
ài lí ài kah siunn tshiau-kuè
怨嘆命運無公平
uàn-thàn miā-ūn bô kong-pênn
日子過了真夯枷
ji̍t-tsí kuè-liáu tsin giâ-kê
青春一去不再回
tshing-tshun it-khì put-tsài huê
親像雨水拍落地
tshin-tshiūnn hōo-tsuí phah lo̍h-tē
像阿母講過彼句話
tshiūnn a-bú kóng–kuè hit kù uē
人生較苦嘛愛過
jîn-sing khah khóo mā ài kuè
後悔囥佇心肝底
hiō-hué khǹg tī sim-kuann-té
人生免驚無機會
jîn-sing bián-kiann bô ki-huē
