毋通失志
《毋通失志》M̄-thang Sit-tsì
金飛Kim-hui(林錦堂Lîm Kím-tông)
——————————————
春風是自由自在
tshun-hong sī tsū-iû tsū-tsāi
吹東又吹西
tshue tang iū tshue sai
白雲是自由自在
pe̍h-hûn sī tsū-iû tsū-tsāi
飛東又飛西
pue tang iū pue sai
一旦來為情為愛
it-tàn lâi uī tsîng uī ài
毋通啼哭流目屎
m̄-thang thî-khàu lâu ba̍k-sái
顛倒害自己將來
tian-tò hāi tsū-kí tsiong-lâi
予人笑戇呆
hōo-lâng tshiò gōng-tai
鳥隻是自由自在
tsiáu-tsiah sī tsū-iû tsū-tsāi
飛東又飛西
pue tang iū pue sai
人也是自由自在
lâng iā-sī tsū-iû tsū-tsāi
行東又走西
kiânn tang iū tsáu sai
一旦來踏出社會
it-tàn lâi ta̍h-tshut siā-huē
進退兩難不應該
tsìn-thè lióng-lân put-ing-kai
若失敗
nā sit-pāi
重新閣來
tiông-sin koh lâi
毋通流目屎
m̄-thang lâu ba̍k-sái
