神明求久嘛有桮
《神明求久嘛有桮》Sîn-bîng Kiû Kú Mā Ū Pue
藍如潔Nâ Jû-kiat
——————————————
無彩好話講遮爾仔濟
bô-tshái hó-uē kóng tsiah-nī-á tsuē
神明求久嘛有桮
sîn-bîng kiû kú mā ū pue
當初叫你莫
tong-tshoo kiò lí mài
啊你就偏偏仔欲
ah lí tiō phian-phian-á beh
講啥物若欲好額
kóng siánn-mih nā beh hó-gia̍h
著趁這个
tio̍h thàn tsit-ê
若莫貪心
nā mài tham-sim
也袂變甲狼狽
iā bē piàn kah liông-puē
只要今後
tsí-iàu kim-āu
著愛知反悔
tio̍h-ài tsai huán-hué
頭路生理著好好仔做
thâu-lōo sing-lí tio̍h hó-hó-á tsuè
欲過著好日子
beh kuè tio̍h hó ji̍t-tsí
免驚無機會
bián-kiann bô ki-huē
