快樂的溫泉鄉
《快樂的溫泉鄉》Khuài-lo̍k ê Un-tsuânn-hiong
顏華Gân Huâ
——————————————
快樂的溫泉鄉
khuài-lo̍k ê un-tsuânn-hiong
清幽好景致
tshing-iu hó kíng-tì
白煙霧透滿天
pe̍h ian-bū thàu muá-thinn
暝日無停時
mî-ji̍t bô thîng-sî
春風送磺水味
tshun-hong sàng hông-tsuí bī
引人開心脾
ín lâng khui sim-pî
請借問旅社
tshiánn tsioh-mn̄g lú-siā
是佗一間較四序
sī tó tsi̍t-king khah sù-sī
毋好笑阮兩人
m̄-hó tshiò gún nn̄g-lâng
快樂情綿綿
khuài-lo̍k tsîng mî-mî
伊少年阮青春
i siàu-liân gún tshing-tshun
應該糖蜜甜
ing-kai thn̂g-bi̍t-tinn
快樂的溫泉鄉
khuài-lo̍k ê un-tsuânn-hiong
逍遙好地理
siau-iâu hó tē-lí
小包車駛入去
sió-pau-tshia sái–ji̍p-khì
旅社的門邊
lú-siā ê mn̂g-pinn
服務生穿白衫
ho̍k-bū-sing tshīng pe̍h-sann
迎接笑微微
gîng-tsiap tshiò bî-bî
請借問
tshiánn-tsioh-mn̄g
客房是佗一間較四序
kheh-pâng sī tó tsi̍t-king khah sù-sī
毋好笑阮兩人
m̄-hó tshiò gún nn̄g-lâng
快樂情綿綿
khuài-lo̍k tsîng mî-mî
伊少年阮青春
i siàu-liân gún tshing-tshun
應該糖蜜甜
ing-kai thn̂g-bi̍t-tinn
快樂的溫泉鄉
khuài-lo̍k ê un-tsuânn-hiong
春情滿滿是
tshun-tsîng muá-muá-sī
洋眠床紅膨椅
iûnn mn̂g-tshn̂g âng phòng-í
設備真雅氣
siat-pī tsin ngá-khì
輕音樂芳水味
khin-im-ga̍k phang-tsuí bī
引入夢中去
ín-ji̍p bāng-tiong khì
請借問
tshiánn-tsioh-mn̄g
浴池是佗一間較四序
io̍k-tî sī tó tsi̍t-king khah sù-sī
毋好笑阮兩人
m̄-hó tshiò gún nn̄g-lâng
快樂情綿綿
khuài-lo̍k tsîng mî-mî
伊少年阮青春
i siàu-liân gún tshing-tshun
應該糖蜜甜
ing-kai thn̂g-bi̍t-tinn
