我愛高雄
《我愛高雄》Guá Ài Ko-hiông
簡上仁Kán Siōng-jîn
——————————————
阮是一个打狗兄
gún sī tsi̍t-ê Tánn-káu-hiann
每日進出高雄城
muí-ji̍t tsìn-tshut Ko-hiông-siânn
前鎮鼓山到左營
Tsiân-tìn Kóo-suann kàu Tsó-iânn
大街小巷阮知影
tuā-ke sió-hāng gún tsai-iánn
一心二聖接西東
It-sim Jī-sìng tsiap sai-tang
三多轉彎透小港
Sam-to tńg-uan thàu Sió-káng
四維大路媠噹噹
Sù-uî tuā-lōo suí-tang-tang
五福街路全全人
Ngóo-hok ke-lōo tsuân-tsuân lâng
來去六合踅夜市
lâi-khì Lio̍k-ha̍p se̍h iā-tshī
啊七賢八德是啉咖啡
ah Tshit-hiân Pat-tik sī lim ka-pi
九如十全好鄉里
Kiú-jû Si̍p-tsuân hó hiong-lí
高雄高雄我愛你
Ko-hiông Ko-hiông guá ài lí
