故鄉的感覺
《故鄉的感覺》Kòo-hiong ê Kám-kak
簡上仁Kán Siōng-jîn
——————————————
虎尾的火車慢慢仔行
Hóo-bué ê hué-tshia bān-bān-á kiânn
那載著甘蔗那出聲
ná tsài tio̍h kam-tsià ná tshut-siann
猴囡仔數想甘蔗頭
kâu-gín-á siàu-siōnn kam-tsià-thâu
啊喙瀾喙瀾直直流
ah tshuì-nuā tshuì-nuā ti̍t-ti̍t-lâu
阿媽予阮一箍銀
a-má hōo gún tsi̍t-khoo gîn
相招來去買枝仔冰
sio-tsio lâi-khì bé ki-á-ping
啊你一喙我一喙
ah lí tsi̍t-tshuì guá tsi̍t-tshuì
我一喙你一喙
guá tsi̍t-tshuì lí tsi̍t-tshuì
猶閣猶閣無夠氣
iáu-koh iáu-koh bô-kàu-khuì
大漢咧拍拚出頭天
tuā-hàn teh phah-piànn tshut-thâu-thinn
雖然艱苦也趣味
sui-jiân kan-khóo iā tshù-bī
糖廠的煙筒衝上天
thn̂g-tshiúnn ê ian-tâng tshìng tsiūnn-thinn
故鄉的感覺甜甜甜
kòo-hiong ê kám-kak ti̋nn-tinn-tinn
