中秋戀歌
《中秋戀歌》Tiong-tshiu Luân-kua
鄭琇月Tēnn Siù-gua̍t
——————————————
月色光光
ge̍h-sik kng-kng
照著阮心頭亂紛紛
tsiò tio̍h gún sim-thâu luān hun-hun
紅塵人生
âng-tîn jîn-sing
毋知今夜
m̄-tsai kim-iā
又是佗一暝
iū sī tó tsi̍t-mî
踮在中秋的暗暝
tiàm-tsāi tiong-tshiu ê àm-mî
想起甜蜜的過去
siūnn-khí tinn-bi̍t ê kuè-khì
想起過去
siūnn-khí kuè-khì
阮的感情
gún ê kám-tsîng
用遮爾深
iōng tsiah-nī tshim
毋知你的跤步
m̄-tsai lí ê kha-pōo
行甲遮爾沉重
kiânn kah tsiah-nī tîm-tāng
踮在中秋的暗暝
tiàm-tsāi tiong-tshiu ê àm-mî
想起初戀情綿綿
siūnn-khí tshoo-luân tsîng mî-mî
雖然最後的結果
sui-jiân tsuè-āu ê kiat-kó
親像花蕊離花欉
tshin-tshiūnn hue-luí lî hue-tsâng
你猶原是難忘的人
lí iu-guân sī lân-bōng ê lâng
啊~為你心茫茫
ah~ uī lí sim bâng-bâng
為怎樣
uī-tsuánn-iūnn
阮的心情
gún ê sim-tsîng
親像花蕊
tshin-tshiūnn hue-luí
開在中秋暗暝
khui tsāi tiong-tshiu àm-mî
阮稀微的戀夢
gún hi-bî ê luân-bāng
期待這份純情
kî-thāi tsit hūn sûn-tsîng
海角天邊做陣行
hái-kak thinn-pinn tsuè-tīn kiânn
