無情的大雨

《無情的大雨》Bô-tsîng ê Tuā-hōo
葉啟田Ia̍p Khé-tiân
——————————————
心愛的阿美小姐
sim-ài ê A-bí sió-tsiá
生做真標致
sinn-tsò tsin piau-tì
予阮來為伊痴迷
hōo gún lâi uī i tshi-bêe
寫批寄予伊
siá-phue kià hōo i
想袂到阿美小姐
siūnn buē-kàu A-bí sió-tsiá
對阮有情義
guì gún ū tsîng-gī
伊也來寫批約阮
i iā lâi siá-phue iok gún
約會在港墘
iok-huē tsāi káng-kînn
無情的大雨
bô-tsîng ê tuā-hōo
實在無趣味
si̍t-tsāi bô tshù-bī
一時來將阮兩人
tsi̍t-sî lâi tsiong gún nn̄g-lâng
沃甲澹滴滴
ak kah tâm tih-tih
今夜的月娘圓圓
kim-iā ê ge̍h-niû înn-înn
天星閃閃爍
thinn-tshinn siám-siám-sih
歡喜欲閣再佮伊
huann-hí beh koh-tsài kah i
散步行港墘
sàn-pōo kiânn káng-kînn
只驚是又閣變天
tsí kiann sī iū-koh piàn-thinn
大雨落不離
tuā-hōo lo̍h put-lī
將著阮兩人身軀
tsiong tio̍h gún nn̄g-lâng sin-khu
沃甲澹滴滴
ak kah tâm tih-tih
無情的大雨
bô-tsîng ê tuā-hōo
實在真膏膏纏
si̍t-tsiā tsin ko-ko-tînn
又閣來將阮兩人
iū-koh lâi tsiong gún nn̄g-lâng
沃甲澹滴滴
ak kah tâm tih-tih
雖然是月娘圓圓
sui-jiân sī ge̍h-niû înn-înn
天星閃閃爍
thinn-tshinn siám-siám-sih
最後才決定佮伊
tsuè-āu tsiah kuat-tīng kah i
約會在港墘
iok-huē tsāi káng-kînn
阮希望大雨
gún hi-bāng tuā-hōo
毋通閣再落不離
m̄-thang koh-tsài lo̍h put-lī
毋通來將阮身軀
m̄-thang lâi tsiong gún sin-khu
沃甲澹滴滴
ak kah tâm tih-tih
無情的大雨
bô-tsîng ê tuā-hōo
實在親像故意
si̍t-tsāi tshin-tshiūnn kòo-ì
照樣來將阮兩人
tsiàu-iūnn lâi tsiong gún nn̄g-lâng
沃甲澹滴滴
ak kah tâm tih-tih

您可能也會喜歡…

跳至工具列