永遠的愛
《永遠的愛》Íng-uán ê Ài
林雅Lîm Ngá
——————————————
有一工
ū-tsi̍t-kang
我出世矣
guá tshut-sì–ah
微風吹搖著樹葉
bî-hong tshue-iô tio̍h tshiū-hio̍h
樹葉用
tshiū-hio̍h īng
最古早的聲調
tsuè kóo-tsá ê siann-tiāu
唱歌予我聽
tshiùnn-kua hōo guá thiann
月亮用
ge̍h liāng iōng
最疼痛的目光
tsuè thiànn-thàng ê ba̍k-kng
相真真咧看我
siòng tsin-tsin teh khuànn guá
故意裝做
kòo-ì tsng-tsuè
佮我做伙出世
kah guá tsò-hué tshut-sì
面仔圓圓紅phāng-phāng
bīn-á înn-înn âng-phāng-phāng
三月芥菜花黃黃
sann-gue̍h kuà-tshài hue n̂g-n̂g
水牛犁田
tsuí-gû luê-tshân
田園邊溪水長長
tshân-hn̂g pinn khue-tsuí tn̂g-tn̂g
船仔慢慢咧搖
tsûn-á bān-bān teh iô
微風永遠是遮爾吹
bî-hong íng-uán sī tsiah-nī tshue
流水永遠是遮爾清
lâu-tsuí íng-uán sī tsiah-nī tshing
世界茫茫自然單純
sè-kài bâng-bâng tsū-jiân tan-sûn
我的心是遮爾快活
guá ê sim sī tsiah-nī khuìnn-ua̍h
我的愛是遮爾永遠
guá ê ài sī tsiah-nī íng-uán
