故鄉佇海邊
《故鄉佇海邊》Kòo-hiong Tī Hái-pinn
林津鋒Lîm Tsin-hong(莆田)
——————————————
故鄉佇海邊
kòo-hiong tī hái-pinn
海鳥做厝邊
hái-tsiáu tsuè tshù-pinn
無論離家千萬里
bô-lūn lî-ka tshian-bān lí
那海鳥聲聲佇心中
ná hái-tsiáu siann-siann tī sim-tiong
故鄉佇海邊
kòo-hiong tī hái-pinn
海湧佇枕邊
hái-íng tī tsím-pinn
無論離家千萬年
bô-lūn lî-ka tshian-bān nî
那海湧陣陣夢中起
ná hái-íng tsūn-tsūn bāng-tiong khí
海風吹過來
hái-hong tshue–kuè-lâi
帶著我(你)的思念
tuà tio̍h guá (lí) ê su-liām
攑頭遙望天海邊
gia̍h-thâu iâu-bāng thinn-hái pinn
感動月娘感動天
kám-tōng ge̍h-niû kám-tōng thinn
你我捀起酒一杯
lí guá phâng khí tsiú tsi̍t-pue
期待總有彼一工
kî-thāi tsóng ū hit tsi̍t-kang
攑頭遙望天海邊
gia̍h-thâu iâu-bāng thinn-hái pinn
感動月娘感動天
kám-tōng ge̍h-niû kám-tōng thinn
你我捀起酒一杯
lí guá phâng khí tsiú tsi̍t-pue
期待總有彼一工
kî-thāi tsóng ū hit tsi̍t-kang
佇海上明月中團圓
tī hái-siōng bîng-gua̍t tiong thuân-înn
