相思
《相思》Siunn-si
鬥鬧熱走唱隊Tàu-lāu-jia̍t Tsáu-tshiàng-tuī
——————————————
阮是兩人相親愛
gún sī nn̄g-lâng siong tshin-ài
若無說出恁毋知
nā bô sueh-tshut lín m̄-tsai
阮著當頭白日來出入
gún tio̍h tng-thâu-pe̍h-ji̍t lâi tshut-ji̍p
佮恁外人無底代
kah lín guā-lâng bô-tī-tāi
恁偏愛講人歹話
lín phian ài kóng lâng pháinn-uē
予阮驚心毋敢來
hōo gún kiann-sim m̄-kánn lâi
娘子疑我共伊歹
niû-tsú gî guá kā i pháinn
暝日相思真厲害
mî-ji̍t siunn-si tsin lī-hāi
頭上貼著鬢邊膏
thâu-siōng tah tio̍h pìn-pinn-ko
身軀消瘦可憐代
sin-khu siau-sán khó-liân-tāi
伊正洗衫我轉來
i tsìng sé-sann guá tńg–lâi
心頭歡喜無人知
sim-thâu huann-hí bô-lâng tsai
只為身邊人眾眾
tsí uī sin-pinn lâng tsiòng-tsiòng
毋敢講話真無彩
m̄-kánn kóng-uē tsin bô-tshái
恨無鳥仔雙个翼
hīn bô tsiáu-á siang-ê si̍t
隨便飛入伊房內
suî-piān pue ji̍p i pâng-lāi
