流浪戀歌
《流浪戀歌》Liû-lōng Luân-kua
孟君Bīng-kun
——————————————
夜都市路燈閃爍
iā too-tshī lōo-ting siám-sih
鬧熱的暗暝
lāu-jia̍t ê àm-mî
離開著心愛的你
lī-khui tio̍h sim-ài ê lí
拍拚到這時
phah-piànn kàu tsit-sî
流浪的男兒
liû-lōng ê lâm-jî
也是想欲倒轉去
iā-sī siūnn-beh tò-tńg–khì
若是鼻著田塗味
nā-sī phīnn-tio̍h tshân-thôo bī
啊~我嘛是真正
ah~ guá mā sī tsin-tsiànn
願意這款的鄉味
guān-ì tsit khuán ê hiong-bī
行出外是不得已
kiânn tshut-guā sī put-tik-í
流浪無了時
liû-lōng bô-liáu-sî
離開著你的身邊
lī-khui tio̍h lí ê sin-pinn
猶原思念你
iu-guân su-liām lí
流浪的男兒
liû-lōng ê lâm-jî
也是想欲倒轉去
iā-sī siūnn-beh tò-tńg–khì
若是會得照心意
nā-sī ē-tit tsiàu sim-ì
啊~我嘛是希望相見
ah~ guá mā sī hi-bāng sio-kìnn
享受青春期
hiáng-siū tshing-tshun-kî
看這爿天星閃爍
khuànn tsit-pîng thinn-tshinn siám-sih
一時想起你
tsi̍t-sî siūnn-khí lí
想欲去你的身邊
siūnn-beh khì lí ê sin-pinn
才知空夢見
tsiah tsai khang bāng-kìnn
流浪的男兒
liû-lōng ê lâm-jî
也是想欲倒轉去
iā-sī siūnn-beh tò-tńg–khì
若是事業會順利
nā-sī sū-gia̍p ē sūn-lī
啊~我嘛是希望團圓
ah~ guá mā sī hi-bāng thuân-înn
你我結連理
lí guá kiat-liân-lí
