臺北發的自強號
《臺北發的自強號》Tâi-pak Huat ê Tsū-kiông-hō
方瑞娥Png Suī-ngôo
——————————————
想起雙人初見面
siūnn-khí siang-lâng tshoo-kìnn-bīn
踮在火車內
tiàm-tsāi hué-tshia lāi
你是坐在阮隔壁
lí sī tsē tsāi gún keh-piah
才會來熟似
tsiah ē lâi si̍k-sāi
茫茫的人生路上
bâng-bâng ê jîn-sing-lōo siōng
咱會來相逢
lán ē lâi siong-hông
親像天安排
tshin-tshiūnn thinn an-pâi
臺北發的自強號
Tâi-pak huat ê tsū-kiông-hō
第三車廂內
tē-sann tshia-siunn lāi
有緣千里來相會
ū-iân tshian-lí lâi siong-huē
踮在火車內
tiàm-tsāi hué-tshia lāi
萍水相逢無關係
pîng-tsuí siong-hông bô kuan-hē
慢慢會了解
bān-bān ē liáu-kái
從今後人生路上
tsiông kim-āu jîn-sing-lōo siōng
咱會行做堆
lán ē kiânn tsuè-tui
互相來關懷
hōo-siong lâi kuan-huâi
臺北發的自強號
Tâi-pak huat ê tsū-kiông-hō
第三車廂內
tē-sann tshia-siunn lāi
