湖畔之戀
《湖畔之戀》Ôo-puānn tsi Luân
邱蘭芬Khu Lân-hun
——————————————
夜霧雺雺
iā-bū bông-bông
心情沉重
sim-tsîng tîm-tāng
來到昔日湖畔
lâi-kàu sik-ji̍t ôo-puānn
靜靜懷念過去彼段
tsīng-tsīng huâi-liām kè-khì hit tuānn
糖甘蜜甜的做伴
thn̂g-kam bi̍t-tinn ê tsuè-phuānn
為何我一時
uī-hô guá tsi̍t-sî
誤會你閣愛別人
gōo-huē lí koh ài pa̍t-lâng
你的解說我毋聽
lí ê kái-sueh guá m̄ thiann
煞來拆散拆散
suah lâi thiah-suànn thiah-suànn
如今寂寞孤單
jû-kim tsi̍k-bo̍k koo-tuann
來到昔日湖畔
lâi-kàu sik-ji̍t ôo-puānn
可比一場美麗春夢
khó-pí tsi̍t-tiûnn bí-lē tshun-bāng
予我來心茫茫
hōo guá-lâi sim bâng-bâng
若有你佮我
nā ū lí kah guá
踮遮閣再來做伴
tiàm tsia koh-tsài lâi tsuè-phuānn
叫我一聲心愛的人
kiò guá tsi̍t-siann sim-ài ê lâng
敢是做夢做夢
kám-sī tsuè-bāng tsuè-bāng
如今夜霧雺雺
jû-kim iā-bū bông-bông
孤一个踮湖畔
koo tsi̍t-ê tiàm ôo-puānn
只有聽見夜鶯叫聲
tsí-ū thiann-kìnn iā-ing kiò-siann
無看你的人影
bô-khuànn lí ê lâng-iánn
