失戀無藥醫

《失戀無藥醫》Sit-luân Bô Io̍h I
邱蘭芬Khu Lân-hun
——————————————
每日思念伊伊
muí-ji̍t su-liām i i
伊都走去佗位藏咧
i to tsáu-khì tó-uī tshàng–leh
予阮每日心茫茫
hōo gún muí-ji̍t sim bâng-bâng
全身骨頭袂輕鬆
tsuân-sin kut-thâu buē khin-sang
看無人
khuànn-bô lâng
頭殼重
thâu-khak tāng
食藥也是無彩工
tsia̍h-io̍h iā-sī bô-tshái-kang
透早欲等伊伊
thàu-tsá bueh tán i i
伊都走去佗位去咧
i to tsáu-khì tó-uī khì–leh
害阮鼻水雙港滴
hāi gún phīnn-tsuí siang-káng tih
雙手目屎拭袂離
siang-tshiú ba̍k-sái tshit buē-lī
為著你病相思
uī-tio̍h lí pīnn-siunn-si
怎樣僥心做你去
tsuánn-iūnn hiau-sim tsuè lí khì
暗暝也想伊伊
àm-mî iā siūnn i i
伊都走去佗位去咧
i to tsáu-khì tó-uī khì–leh
無天無良怹老爸
bô-thian-bô-liông in lāu-pē
也無拍算將伊嫁
iā bô phah-sǹg tsiong i kè
袂少歲二七八
buē tsió huè jī-tshit-pueh
予伊那想那怨慼
hōo i ná siūnn ná uàn-tshueh