香港戀情

《香港戀情》Hiong-káng Luân-tsîng
邱蘭芬 Khu Lân-hun
——————————————
秋風吹港邊
tshiu-hong tshue káng-pinn
夜霧茫茫時
iā-bū bông-bông sî
音樂聲綿綿
im-ga̍k siann mî-mî
伴咱過一暝
phuānn lán kuè tsi̍t-mî

香港月夜見著你
Hiong-káng gua̍t-iā kìnn tio̍h lí
香港戀情
Hiong-káng luân-tsîng
毋敢放袂記
m̄-kánn pàng buē-kì
只有在夢中
tsí-ū tsāi bāng-tiong
夜夜伴著你
iā-iā phuānn tio̍h lí
太平山跤咱分離
Thài-pîng-suann-kha lán hun-lī
如今你在哪裡
jû-kim lí tsāi ná-lí

(口白)—–↓
是啦，猶原和彼一暝仝款
sī–lah, iu-guân hām hit-tsi̍t-mî kāng-khuán
四邊也有茫茫的夜霧
sì-pinn iā ū bông-bông ê iā-bū
毛毛的雨水
mn̂g-mn̂g ê hōo-tsuí
也凍袂冷著
iā tàng bē líng tio̍h
咱兩人火一般的熱情
lán nn̄g-lâng hué tsi̍t-puann ê jia̍t-tsîng
你有講過
lí ū kóng–kè
只要我若離開香港
tsí-iàu guá nā lī-khui Hiong-káng
你隨後就欲來
lí suî-āu tsiū beh lâi
誰知，誰知影我佇東港的海邊
siáng tsai, siáng tsai-iánn guá tī Tang-káng ê hái-pinn
親像望穿秋水彼一樣
tshin-tshiūnn bāng-tshuan tshiu-suí hit-tsi̍t-iūnn
已經也空等你三年矣
í-king iā khang-tán lí sann-nî–ah
唉！痴情的我痴情的我
Haih! tshi-tsîng ê guá, tshi-tsîng ê guá
是天下第一戇的人啦
sī thian-hā tē-it gōng ê lâng–lah
(口白)—–↑

今夜猶原是
kim-iā iu-guân sī
夜霧茫茫時
iā-bū bông-bông sî
音樂聲消蝕
im-ga̍k siann siau-si̍h
只有孤鳥啼
tsí-ū koo-tsiáu thî
香港月夜愛著你
Hiong-káng gua̍t-iā ài tio̍h lí
東港海邊獨相思
Tang-káng hái-pinn to̍k siunn-si
只有海風
tsí-ū hái-hong
陣陣送波浪
tsūn-tsūn sàng pho-lōng
滿腹戀情永難忘
muá-pak luân-tsîng íng lân-bōng
痴情第一戇
tshi-tsîng tē-it gōng