十三太妹
https://www.youtube.com/watch?v=HG8iQmoPIik
《十三太妹》Tsa̍p-sann Thài-muē
紀露霞Kí Lōo-hâ
——————————————
十七八典型姑娘
tsa̍p-tshit-pueh tián-hîng koo-niû
太妹的模樣
thài-muē ê bôo-iūnn
特別有佮別个人
ti̍k-pia̍t ū kah pa̍t-ê lâng
性格無親像
sìng-keh bô tshin-tshiūnn
四界去
sì-kuè khì
出門騎車
tshut-mn̂g khiâ-tshia
?迌揣朋友
tshit-thô tshē pîng-iú
跳舞唸歌看電影
thiàu-bú liām-kua khuànn tiān-iánn
解消阮憂愁
kái-siau gún iu-tshiû
多情的太保青年
to-tsîng ê thài-pó tshing-liân
用手共阮搝
īng tshiú kā gún khiú
跤來手來
kha-lâi tshiú-lâi
無禮無數
bô-lé-bô-sòo
遐爾無理由
hiah-nī bô lí-iû
若欲來探聽親情
nā beh lâi thàm-thiann tshin-tsiânn
聘金無收做新娘
phìng-kim bô siu tsuè sin-niû
予阮心肝每日
hōo gún sim-kuann muí-ji̍t
煩惱嫁翁拍結毬
huân-ló kè-ang phah-kiat-kiû
尼龍絲短洋裝衣
nî-lông-si té iûnn-tsong-i
西部牛仔褲
se-pōo gû-á-khòo
出門大方閣新型
tshut-mn̂g tāi-hong koh sin-hîng
派頭真正粗
phài-thâu tsin-tsiànn tshoo
坐汽車走冬往西
tsē khì-tshia tsáu-tang-óng-sai
免驚來受苦
bián-kiann lâi siū-khóo
做事坦白無謠言
tsuè-sū thán-pe̍h bô iâu-giân
做人無糊塗
tsuè-lâng bô hôo-tôo
用著錢慷慨敢用
īng-tio̍h tsînn khóng-khài kánn īng
無人有法度
bô-lâng ū huat-tōo
勝過社會青年
sìng-kè siā-huē tshing-liân
太保學生的查埔
thài-pó ha̍k-sing ê tsa-poo
人人講批評阮
lâng-lâng kóng phue-phîng gún
是妖嬌浪漫的查某
sī iau-kiau lōng-bān ê tsa-bóo
予阮想著
hōo gún siūnn-tio̍h
每日激心
muí-ji̍t kik-sim
受氣面帶烏
siūnn-khì bīn tài oo
社會人笑阮坦白
siā-huē lâng tshiò gún thán-pe̍h
煞講阮野馬
suah kóng gún iá-bé
有人袂曉通解說
ū-lâng buē-hiáu thang kái-sueh
講阮是柴耙
kóng gún sī tshâ-pê
規年冬探聽親情
kui nî-tang thàm-thiann tshin-tsiânn
越頭真濟个
ua̍t-thâu tsin tsuē ê
舊年做到今年尾
kū-nî tsuè kàu kin-nî bé
嫁也無好勢
kè iā bô hó-sè
較講嘛愛嫁太保
khah-kóng mā ài kè thài-pó
少年面肉白
siàu-liân bīn-bah pe̍h
少年家來娶阮做某
siàu-liân-ke lâi tshuā gún tsuè bóo
無錢無關係
bô-tsînn bô kuan-hē
老阿伯有錢
lāu-a-peh ū-tsînn
濟歲鬚白
tsuē-huè tshiu pe̍h
阮是無愛嫁
gún sī bô-ài kè
有厝嫁粧隨身
ū tshù kè-tsng suî-sin
佳哉富貴有家伙
ka-tsài hù-kuì ū ke-hé
