再會啦囝兒
《再會啦囝兒》Tsài-huē–lah Kiánn-jî
紀露霞Kí Lōo-hâ
——————————————
忍耐著滿腹酸悲
jím-nāi tio̍h muá-pak sng-pi
離開心愛的囝兒
lī-khui sim-ài ê kiánn-jî
祈禱伊身體保重
kî-tó i sin-thé pó-tiōng
好好過日子
hó-hó kè ji̍t-tsí
媽媽是真心期待
má-mah sī tsin-sim kî-thāi
你乖乖聽人的話
lí kuai-kuai thiann lâng ê uē
爸爸若照著心願
pá-pah nā tsiàu tio̍h sim-guān
會來?你倒轉去
ē lâi tshuā lí tò-tńg–khì
你猶原著來忍耐
lí iu-guân tio̍h lâi jím-nāi
暫時的稀微
tsiām-sî ê hi-bî
怨嘆著環境迫阮
uàn-thàn tio̍h khuân-kíng pik gún
離開心愛的囝兒
lī-khui sim-ài ê kiánn-jî
可憐伊小小年紀
khó-liân i sió-sió nî-kí
受盡酸苦味
siū-tsīn sng-khóo-bī
媽媽是真無奈何
má-mah sī tsin bû-nāi-hô
你應該著來原諒
lí ing-kai tio̍h lâi guân-liōng
爸爸若照著心願
pá-pah nā tsiàu tio̍h sim-guān
會來?你倒轉去
ē lâi tshuā lí tò-tńg–khì
你毋通暝日流著
lí m̄-thang mî-ji̍t lâu tio̍h
傷心珠淚滴
siong-sim tsu-luī-tih
叮嚀著三言兩語
ting-lîng tio̍h sann-giân nn̄g-gú
離開心愛的囝兒
lī-khui sim-ài ê kiánn-jî
交代伊事事小心
kau-tài i sū-sū sió-sim
平安過日子
pîng-an kè ji̍t-tsí
媽媽是希望家庭
má-mah sī hi-bāng ka-tîng
早一日會通團圓
tsá-tsi̍t-ji̍t ē thang thuân-înn
爸爸若照著心願
pá-pah nā tsiàu tio̍h sim-guān
會來?你倒轉去
ē lâi tshuā lí tò-tńg–khì
你著來認真拍拚
lí tio̍h lâi jīn-tsin phah-piànn
毋通失意志
m̄-thang sit ì-tsì
