雨聲
《雨聲》Hōo-siann
龍千玉 Liông Tshian-gio̍k
——————————————
春風微微正輕鬆
tshun-hong bî-bî tsiànn khin-sang
可是思思念念過一工
khó-sī su-su-liām-liām kuè tsi̍t-kang
毛毛小雨踮阮身邊
mn̂g-mn̂g sió-hōo tiàm gún sin-pinn
親像笑阮是戇人
tshin-tshiūnn tshiò gún sī gōng-lâng
天頂日頭
thinn-tíng ji̍t-thâu
有雲做伴
ū hûn tsuè-phuānn
路邊野花
lōo-pinn iá-hue
佮塗黏做倚
kah thôo liâm tsuè-uá
阮的身邊
gún ê sin-pinn
孤孤單單
koo-koo-tuann-tuann
欲按怎
beh án-tsuánn
聽著雨聲
thiann-tio̍h hōo-siann
親像唱歌咧予阮聽
tshin-tshiūnn tshiùnn-kua teh hōo gún thiann
一陣一陣
tsi̍t-tsūn-tsi̍t-tsūn
唱著優美的歌聲
tshiùnn tio̍h iu-bí ê kua-siann
看著雨影
khuànn-tio̍h hōo-iánn
親像美麗的小姐
tshin-tshiūnn bí-lē ê sió-tsiá
跳著婀娜多姿的舞步
thiàu tio̍h o-lô to-tsu ê bú-pōo
使阮快樂
sú gún khuài-lo̍k
