為愛捀杯
《為愛捀杯》Uī Ài Phâng Pue
龍千玉Liông Tshian-gio̍k
——————————————
情若入夢
tsîng nā ji̍p-bāng
千轉萬迴
tshian-tsuán bān-huê
為你痴情到底
uī lí tshi-tsîng kàu-té
疼你入心
thiànn lí ji̍p-sim
無惜代價
bô-sioh tāi-kè
甘願付出一切
kam-guān hù-tshut it-tshè
只有多情的人
tsí-ū to-tsîng ê lâng
日思夜夢
ji̍t-su iā-bāng
懷念往事的美麗
huâi-liām óng-sū ê bí-lē
只有受傷的心
tsí-ū siū-siong ê sim
寂寞的人
tsi̍k-bo̍k ê lâng
才知情是愛的債
tsiah tsai tsîng sī ài ê tsè
何乜苦為你等待
hô-mí-khóo uī lí tán-thāi
放袂記山盟海誓
pàng-buē-kì san-bîng hái-sè
用所有的感情
iōng sóo-ū ê kám-tsîng
佮你交陪
kah lí kau-puê
換無真心一句話
uānn bô tsin-sim tsi̍t-kù uē
何乜苦吞入
hô-mí-khóo thun ji̍p
滿腹的情火
muá-pak ê tsîng-hué
望你回頭解說
bāng lí huê-thâu kái-sueh
情難離
tsîng lân-lî
望春花蕊
bāng-tshun hue-luí
醉醒的我
tsuì-tshínn ê guá
毋願為愛捀杯
m̄-guān uī ài phâng pue
