祈禱平安
《祈禱平安》Kî-tó Pîng-an
龍千玉Liông Tshian-gio̍k
——————————————
這人生
tse jîn-sing
難免風雨來阻礙
lân-bián hong-hōo lâi tsóo-gāi
這世間
tse sè-kan
充滿貼心的關懷
tshiong-buán tah-sim ê kuan-huâi
心內面
sim lāi-bīn
敢是有話無人知
kám-sī ū uē bô-lâng tsai
手囥胸前
tshiú khǹg hing-tsîng
聽咱心聲
thiann lán sim-siann
感受月光照入來
kám-siū gue̍h-kng tsiò–ji̍p-lâi
有偌濟風雨中的暗暝
ū guā-tsuē hong-ú-tiong ê àm-mî
只有孤單的自己
tsí-ū koo-tuann ê tsū-kí
希望阮
hi-bāng gún
陪伴你踮身邊
puê-phuānn lí tiàm sin-pinn
等到春天百花開
tán-kàu tshun-thinn pah-hue khui
祈禱平安轉來
kî-tó pîng-an tńg–lâi
充滿溫暖充滿愛
tshiong-buán un-luán tshiong-buán ài
幸福故事猶原在
hīng-hok kòo-sū iu-guân tsāi
望你平安轉來
bāng lí pîng-an tńg–lâi
迷失方向的所在
bê-sit hong-hiòng ê sóo-tsāi
掛在天邊的光彩
kuà tsāi thinn-pinn ê kong-tshái
彼是咱溫柔的期待
he sī lán un-jiû ê kî-thāi
