扯扯較快活
《扯扯較快活》Tshé-tshé Khah Khuìnn-ua̍h
蔡秋鳳Tshuà Tshiu-hōng
——————————————
踮阮身邊
tiàm gún sin-pinn
心無佇遮
sim bô tī tsia
你的心內
lí ê sim-lāi
到底咧想啥
tàu-té teh siūnn siánn
若無愛
nā bô-ài
你就坦白來講一聲
lí tiō thán-pe̍h lâi kóng–tsi̍t-siann
何必就互相牽拖
hô-pit tiō hōo-siong khan-thua
阮的溫柔
gún ê un-jiû
你無感覺
lí bô kám-kak
不如規氣到遮就準煞
put-jû kui-khì kàu tsia tō tsún-suah
愛情是風雨
ài-tsîng sī hong-hōo
攏毋驚做陣行
lóng m̄-kiann tsuè-tīn kiânn
袂當來那行那看
buē-tàng lâi ná kiânn ná khuànn
咱扯扯猶較快活
lán tshé-tshé iáu khah khuìnn-ua̍h
攏總無輸無贏
lóng-tsóng bô su bô iânn
嘛毋免煩惱
mā m̄-bián huân-ló
是欲按怎
sī beh án-tsuánn
就當做唱一首歌
tiō tòng-tsuè tshiùnn tsi̍t-siú kua
唱煞隨人來行
tshiùnn suah suî-lâng lâi kiânn
阮會當看破無牽掛
gún ē-tàng khuànn-phuà bô khian-kuà
咱扯扯猶較快活
lán tshé-tshé iáu khah khuìnn-ua̍h
好過無聊咒誓
hó kuè bô-liâu tsiù-tsuā
阮毋願枉費青春來跋
gún m̄-guān óng-huì tshing-tshun lâi pua̍h
愛若是靠無著岸
ài nā-sī khò bô tio̍h huānn
心就無人來疼
sim tiō bô-lâng lâi thiànn
阮甘願一个人孤單
gún kam-guān tsi̍t-ê-lâng koo-tuann
