天清清地靈靈
《天清清地靈靈》Thinn Tshing-tshing Tē Lîng-lîng
蔡秋鳳 Tshuà Tshiu-hōng
——————————————
一時來使個性
tsi̍t-sî lâi sái kò-sìng
雄酒啊啉袂停
hiông-tsiú–ah lim buē thîng
怨嘆著無情啊的男性
uàn-thàn tio̍h bô-tsîng–ah ê lâm-sìng
耽誤女性的前程
tam-gōo lú-sìng ê tsiân-thîng
毋是阮無感情
m̄-sī gún bô kám-tsîng
是你來先僥心
sī lí lâi sing hiau-sim
若想著你咱彼段情
nā siūnn-tio̍h lí lán hit tuānn tsîng
跤尾手尾攏齊冷
kha-bué tshiú-bué lóng tsiâu líng
講啥物天清清
kóng siánn-mih thinn tshing-tshing
講啥物地靈靈
kóng siánn-mih tē lîng-lîng
當初的咒誓
tong-tshoo ê tsiù-tsuā
哪會齊變形
ná ē tsiâu piàn-hîng
若欲閣講愛情
nā beh koh kóng ài-tsîng
已經是無可能
í-king sī bô khó-lîng
除非日頭來出西爿
tî-hui ji̍t-thâu lâi tshut sai-pîng
