目一下開
《目一下開》Ba̍k Tsi̍t-ē Khui
蔡秋鳳Tshuà Tshiu-hōng
——————————————
目一下開
ba̍k tsi̍t-ē khui
心肝來像秤錘
sim-kuann lâi tshiūnn tshìn-thuî
犀牛望月過啊日子
sai-gû bāng-ge̍h kuè–ah ji̍t-tsí
煩惱是阮將來
huân-ló sī gún tsiong-lâi
怨嘆啊阮過去
uàn-thàn–ah gún kuè-khì
茫茫啊過啊五更
bâng-bâng–ah kuè–ah gōo-kinn
手抱月琴啊
tshiú phō gue̍h-khîm–ah
思啊思雙枝
su–ah su-siang-ki
觀星望斗
kuan-tshinn bāng-táu
醉生啊夢死
tsuì-sing–ah bāng-sí
為錢來失志氣
uī tsînn lâi sit tsì-khì
為錢來睏袂去
uī tsînn lâi khùn buē-khì
阮看破彼个世情
gún khuànn-phuà hit ê sè-tsîng
毋啊想伊
m̄–ah siūnn i
酒一下開
tsiú tsi̍t-ē khui
上好來啉予醉
siōng-hó lâi lim hōo tsuì
人情淡薄莫啊提起
jîn-tsîng tām-po̍k mài–ah thê-khí
清醒若遮憂愁
tshing-tshínn nā tsiah iu-tshiû
醉醉咧較規氣
tsuì-tsuì–eh khah kui-khì
茫茫啊思啊雙枝
bâng-bâng–ah su-ah siang-ki
