望天知影
《望天知影》Bāng Thinn Tsai-iánn
蔡佳麟Tshuà Ka-lîn
——————————————
風陣陣吹
hong tsūn-tsūn tshue
雨陣陣淋
hōo tsūn-tsūn lâm
無情風雨潑入心窗
bô-tsîng hong-hōo phuah ji̍p sim-thang
天漸漸光
thinn tsiām-tsiām kng
心漸漸暗
sim tsiām-tsiām àm
等袂著
tán buē tio̍h
看袂著你的人
khuànn buē tio̍h lí ê lâng
過去的甜蜜
kuè-khì ê tinn-bi̍t
親像一場夢
tshin-tshiūnn tsi̍t-tiûnn bāng
啥物原因來拆散
siánn-mih guân-in lâi thiah-suànn
手中的溫存
tshiú-tiong ê un-tsûn
親像一把沙
tshin-tshiūnn tsi̍t-pé sua
痴情最後換一場空
tshi-tsîng tsuè-āu uānn tsi̍t-tiûnn khang
望天會知影
bāng thinn ē tsai-iánn
為你賭性命
uī lí tóo sìnn-miā
你的冷
lí ê líng
拆碎我的心肝
thiah-tshuì guá ê sim-kuann
望天會知影
bāng thinn ē tsai-iánn
望天了解我
bāng thinn liáu-kái guá
毋通放愛你的人佇遮
m̄-thang pàng ài lí ê lâng tī tsia
