為愛捙拚
《為愛捙拚》Uī Ài Tshia-piànn
蔡佳麟Tshuà Ka-lîn
——————————————
人是皇帝命
lâng sī hông-tè-miā
阮是流浪者
gún sī liû-lōng-tsiá
一人一款命
tsi̍t-lâng tsi̍t-khuán miā
怨嘆無較縒
uàn-thàn bô-khah-tsua̍h
無論日頭赤焱焱
bô-lūn ji̍t-thâu tshiah iānn-iānn
無論風雨有偌大
bô-lūn hong-hōo ū guā tuā
人客若叫阮就行
lâng-kheh nā kiò gún tiō kiânn
mài-kuh是阮的伴
mài-kuh sī gún ê phuānn
生活在歌壇
sing-ua̍h tsāi kua-tuânn
舞臺當做客廳
bú-tâi tòng-tsuè kheh-thiann
樂隊伴奏聲
ga̍k-tuī phuānn-tsàu siann
刺激阮心情
tshì-kik gún sim-tsiânn
看人舞池攬相倚
khuànn-lâng bú-tî lám sio-uá
情歌愈唱心愈疼
tsîng-kua jú tshiùnn sim jú thiànn
有人關心問起我
ū-lâng kuan-sim mn̄g khí guá
為何欲選擇孤單
uī-hô beh suán-ti̍k koo-tuann
我曾經為愛捙拚
guá tsan-king uī ài tshia-piànn
為情咒誓
uī tsîng tsiù-tsuā
欲予你幸福佮美滿
beh hōo lí hīng-hok kah bí-muá
歲月虛華
suè-gua̍t hi-hua
誓言變卦
sè-giân piàn-kuà
時間將咱慢慢拆散
sî-kan tsiong lán bān-bān thiah-suànn
我毋驚天地無情
guá m̄-kiann thinn-tē bô-tsîng
風雨無停
hong-hōo bô thîng
在夢中等你的決定
tsāi bāng-tiong tán lí ê kuat-tīng
等有一工
tán ū tsi̍t-kang
成功成名
sîng-kong sîng-bîng
求你答應
kiû lí tah-ìng
敢有可能
kám ū khó-lîng
