變調戀歌
《變調戀歌》Piàn-tiāu Luân-kua
澎恰恰Pōng Tshia̍h Tshia̍h
——————————————
若毋是愛你
nā m̄-sī ài lí
愛甲遮爾深
ài kah tsiah-nī tshim
也毋願目屎滴落胸前
iā m̄-guān ba̍k-sái tih lo̍h hing-tsîng
三年的感情
sann-nî ê kám-tsîng
並無算短
pīng bô sǹg té
為怎樣你會來反悔
uī-tsuánn-iūnn lí ē lâi huán-hué
你若是對我真正有情
lí nā-sī tuì guá tsin-tsiànn ū-tsîng
無需要對天立誓證明
bô su-iàu tuì thinn li̍p-sè tsìng-bîng
明知欲挽回
bîng-tsai beh bán-huê
並無可能
pīng bô khó-lîng
真情為你來犧牲
tsin-tsîng uī lí lâi hi-sing
我愛甲遮孤單
guá ài kah tsiah koo-tuann
我愛甲遮無伴
guá ài kah tsiah bô phuānn
變調戀歌
piàn-tiāu luân-kua
到何時才會煞
kàu hô-sî tsiah ē suah
啊~為怎樣為怎樣
ah~ uī-tsuánn-iūnn uī-tsuánn-iūnn
你攏毋講話
lí lóng m̄ kóng-uē
啊~為怎樣為怎樣
ah~ uī-tsuánn-iūnn uī-tsuánn-iūnn
你頭犁犁
lí thâu lê-lê
當初的咒誓
tong-tshoo ê tsiù-tsuā
你只愛阮一个
lí tsí ài gún tsi̍t-ê
也已經變做欺騙我的話
iā í-king piàn-tsuè khi-phiàn guá ê uē
付出的情難收回
hù-tshut ê tsîng lân siu-huê
