煞戲
《煞戲》Suah-hì
潘麗麗 Phuann Lē-lē
——————————————
阮是野花欠人晟
gún sī iá-hue khiàm lâng tshiânn
若無蝴蝶誰知影
nā bô ôo-tia̍p siáng tsai-iánn
開花引蝶無求名
khui-hue ín-tia̍p bô kiû miâ
上驚秋天落葉聲
siōng kiann tshiu-thinn lo̍h-hio̍h siann
鑼鼓喧天為咱起
lô-kóo suan-thian uī lán khí
仝台演出真甜蜜
kāng-tâi ián-tshut tsin tinn-bi̍t
欲笑欲哭全看你
beh tshiò beh khàu tsuân khuànn lí
不過這是一齣戲
put-kò tse sī tsi̍t-tshut hì
戲若煞了棚就拆
hì nā suah liáu pînn tō thiah
管伊廟口抑稻埕
kuán i biō-kháu ia̍h tiū-tiânn
阮厝毋是蹛佇遐
gún tshù m̄-sī tuà tī hia
包袱仔款款隨人行
pau-ho̍k-á khuán-khuán suî-lâng kiânn
人生海海一齣戲
jîn-sing hái-hái tsi̍t-tshut hì
戲子親像流浪兒
hì-tsú tshin-tshiūnn liû-lōng-jî
佗位倩阮佗位去
tó-uī tshiànn gún tó-uī khì
何必單守花一枝
hô-pit tuann-siú hue tsi̍t-ki
阮是野花欠人晟
gún sī iá-hue khiàm lâng tshiânn
若無蝴蝶誰知影
nā bô ôo-tia̍p siáng tsai-iánn
開花引蝶無求名
khui-hue ín-tia̍p bô kiû miâ
上驚秋天落葉聲
siōng kiann tshiu-thinn lo̍h-hio̍h siann
鑼鼓喧天為咱起
lô-kóo suan-thian uī lán khí
仝台演出真甜蜜
kāng-tâi ián-tshut tsin tinn-bi̍t
欲笑欲哭全看你
beh tshiò beh khàu tsuân khuànn lí
不過這是一齣戲
put-kò tse sī tsi̍t-tshut hì
