難忘的舊愛人
《難忘的舊愛人》Lân-bōng ê Kū Ài-jîn
劉燕燕Lâu Iàn-iàn
——————————————
靜靜的暗暝
tsing-tsing ê àm-mî
忽然來看見流星
hut-jiân lâi khuànn-kìnn liû-tshinn
引起我心稀微
ín-khí guá sim hi-bî
想起彼當時
siūnn-khí hit-tong-sî
初戀的甜蜜
tshoo-luân ê tinn-bi̍t
如今變成心空虛
jû-kim piàn-sîng sim khang-hi
所留予我的
sóo lâu hōo guá ê
就是傷心的珠淚
tsiū-sī siong-sim ê tsu-luī
青梅竹馬的情侶
tshinn-muî tik-má ê tsîng-lī
離開了千里
lī-khui lián tshian-lí
雙人的情愛
siang-lâng ê tsîng-ài
也無啥人來阻礙
iā bô siánn-lâng lâi tsóo-gāi
到底你為啥物
tàu-tué lí uī-siánn-mih
一去毋轉來
tsi̍t-khì m̄ tńg–lâi
自彼日你離開
tsū hit-ji̍t lí lī-khui
經過一年又一年
king-kuè tsi̍t-nî iū tsi̍t-nî
你叫阮著愛等待
lí kiò gún tio̍h-ài tán-thāi
等你倒轉來
tán lí tò-tńg–lâi
無疑對阮無實在
bô-gî tuì gún bô si̍t-tsāi
予你騙毋知
hōo lí phiàn m̄-tsai
明知無緣份
bîng-tsai bô iân-hūn
何必佮你來熟似
hô-pit kah lí lâi si̍k-sāi
枉費我真情愛
óng-huì guá tsin tsîng-ài
耽誤真不該
tam-gōo tsin put-kai
青春不再來
tshing-tshun put-tsài lâi
希望完全沉落海
hi-bāng uân-tsuân tîm-lo̍h hái
啊~只有痴情的人
ah~ tsí-ū tshi-tsîng ê lâng
為情流目屎
uī-tsîng lâu ba̍k-sái
想欲切斷伊的愛
siūnn-beh tshiat-tuān i ê ài
偏偏心悲哀
phian-phian sim pi-ai
