你看成功的人
《你看成功的人》Lí Khuànn Skîng-kong ê Lâng
劉燕燕Lâu Iàn-iàn
——————————————
做雞著愛筅
tsuè ke tio̍h-ài tshíng
做人著愛反
tsuè lâng tio̍h-ài píng
工課毋做事難成
khang-khuè m̄-tsuè sū lân sîng
失敗無一定是不幸
sit-pāi bô-it-tīng sī put-hīng
成功著愛靠本領
sîng-kong tio̍h-ài khò pún-líng
欲做大頭路
beh tsuè tuā-thâu-lōo
事先著真犧牲
sū-sing tio̍h tsin hi-sing
當今的有錢人
tong-kim ê ū-tsînn-lâng
過去攏是艱苦
kuè-khì lóng-sī kan-khóo
一重過一重
tsi̍t-tîng kuè tsi̍t-tîng
毋通看田庄人無路用
m̄-thang khuànn tshân-tsng-lâng bô-lōo-īng
你看啥人會得成業的人
lí khuànn siánn-lâng ē-tit sîng-gia̍p ê lâng
看才情
khuànn tsâi-tsîng
