總是為著你
《總是為著你》Tsóng-sī Uī-tio̍h Lí
劉燕燕 Lâu Iàn-iàn
——————————————
離開了後我才知
lī-khui liáu-āu guá tsiah tsai
深深愛你在心內
tshim-tshim ài lí tsāi sim-lāi
何必怨嘆運命歹
hô-pit uàn-thàn ūn-miā pháinn
路是自己行出來
lōo sī tsū-kí kiânn tshut-lâi
你若有心事
lí nā ū sim-sū
無人通了解
bô-lâng thang liáu-kái
請你勇敢表明出來
tshiánn lí ióng-kám piáu-bîng tshut-lâi
毋通強忍
m̄-thang kiông lún
吞落腹肚內
thun lo̍h pak-tóo-lāi
你也知我
lí iā tsai guá
毋是無血無目屎
m̄-sī bô hueh bô ba̍k-sái
心愛請你愛諒解
sim-ài tshiánn lí ài liōng-kái
過去錯誤
kuè-khì tshò-gōo
運命安排
ūn-miā an-pâi
聲聲無奈又感慨
siann-siann bô-nāi iū kám-khài
總是為著我心愛
tsóng-sī uī-tio̍h guá sim-ài
