孤鳥插人群
《孤鳥插人群》Koo-tsiáu Tshah Jîn-kûn
劉美花Lâu Bí-hua
——————————————
孤一个插人群
koo tsi̍t-ê tshah lâng-kûn
予人看輕身份
hōo-lâng khuànn-khin sin-hūn
每日都心憂悶
muí-ji̍t to sim iu-būn
忍耐咧鬥陣
jím-nāi teh tàu-tīn
只有是暗怨恨
tsí-ū sī àm uàn-hūn
無人會了解阮
bô-lâng ē liáu-kái gún
一次一次攏吞忍
tsi̍t-tshù tsi̍t-tshù lóng thun-lún
孤鳥插人群
koo-tsiáu tshah lâng-kûn
真怨恨遮歹運
tsin uàn-hūn tsia pháinn-ūn
怎樣佮伊來鬥陣
tsuánn-iūnn kah i lâi tàu-tīn
時常著看戇阮
sî-siông tio̍h khuànn gōng gún
又閣出賣阮
iū-koh tshut-bē gún
有話是難講起
ū uē sī lân kóng-khí
只有是忍心悶
tsí-ū sī jím sim-būn
自暴自棄該認份
tsū-pō-tsū-khì kai jīn-hūn
孤鳥插人群
koo-tsiáu tshah lâng-kûn
