流轉的運命
《流轉的運命》Liû-tsuán ê Ūn-miā
雷明Luî-bîng
——————————————
運命流轉想袂到
ūn-miā liû-tsuán siūnn buē-kàu
人情義理隨尾後
jîn-tsîng gī-lí suî bé-āu
男女朋友我有交
lâm-lí pîng-iú guá ū kau
離開故鄉無回頭
lī-khui kòo-hiong bô huê-thâu
春風伴阮四界走
tshun-hong phuānn gún sì-kè tsáu
情愛放水流
tsîng-ài pàng tsuí lâu
一生幸福變水泡
it-sing hīng-hok piàn tsuí-phau
予我心肝亂操操
hōo guá sim-kuann luān-tshau-tshau
有人愛我敢有影
ū-lâng ài guá kám ū-iánn
是真是假的風聲
sī tsin sī ké ê hong-siann
風聲才是袂安定
hong-siann tsiah-sī buē an-tiānn
自嘆阮是歹命囝
tsū-thàn gún sī pháinn-miā kiánn
情愛也是靠運命
tsîng-ài iā-sī khò ūn-miā
暝日總是想伊的形影
mî-ji̍t tsóng-sī siūnn i ê hîng-iánn
希望有一日
hi-bāng ū-tsi̍t-ji̍t
伴阮做陣行
phuānn gún tsuè-tīn kiânn
男子志氣若是放
lâm-tsú tsì-khì nā-sī pàng
度過人生也困難
tōo-kè jîn-sing iā khùn-lân
孤單稀微走西東
koo-tuann hi-bî tsáu sai-tang
情深猶原毋願放
tsîng tshim iu-guân m̄-guān pàng
予我暝日心茫茫
hōo guá mî-ji̍t sim bâng-bâng
希望會佮伊
hi-bāng ē kah i
美滿無限
bí-muá bô-hān
無疑到今仔日
bô-gî kàu-kia̋nn-ji̍t
變成流浪人
piàn-sîng liû-lōng lâng
