內山之戀
《內山之戀》Lāi-suann tsi Luân
葉啟田Ia̍p Khé-tiân
——————————————
馬蘭的山頂風光
Má-lân ê suann-tíng hong-kong
天然的景緻
thian-jiân ê kíng-tì
路邊的花蕊滿開
lōo-pinn ê hue-luí muá-khui
春天風送來芳味
tshun-thinn hong sàng lâi phang-bī
溪邊的水流聲音
khe-pinn ê tsuí-lâu siann-im
宛然奏情詩
uán-jiân tsàu tsîng-si
內仔內山的純情姑娘
lāi-á lāi-suann ê sûn-tsîng koo-niû
青春夢何時團圓
tshing-tshun bāng hô-sî thuân-înn
馬蘭的青春男女
Má-lân ê tshing-tshun lâm-lú
有情佮有義
ū-tsîng kah ū-gī
庄內的父老兄弟
tsng-lāi ê hū-ló hiann-tī
逐家都歡歡喜喜
ta̍k-ke to huann-huann-hí-hí
路中的牛馬拖車
lōo-tiong ê gû-bé thua tshia
感覺真趣味
kám-kak tsin tshù-bī
車仔車頂的內山姑娘
tshia-á tshia-tíng ê lāi-suann koo-niû
隨馬車搖來搖去
suî bé-tshia iô-lâi-iô-khì
馬蘭的山嶺風光
Má-lân ê suann-niá hong-kong
景色真美麗
kíng-sik tsin bí-lē
樹頂的可愛鳥隻
tshiū-tíng ê khó-ài tsiáu-tsiah
啼叫聲引人痴迷
thî-kiò siann ín lâng tshi-bê
黃昏的月娘出來
hông-hun ê ge̍h-niû tshut–lâi
宛然像仙景
uán-jiân tshiūnn sian-kíng
山仔山地的青春姑娘
suann-á suann-tē ê tshing-tshun koo-niû
真可愛溫馴美麗
tsin khó-ài un-sûn bí-lē
