懷念的春天
《懷念的春天》Huâi-liām ê Tshun-thinn
葉啟田Ia̍p Khé-tiân
——————————————
時常予我戀戀不捨
sî-siông hōo guá luân-luân put-siá
故鄉的情味
kòo-hiong ê tsîng-bī
每年春天
muí-nî tshun-thinn
草木青翠滿山邊
tshó-bo̍k tshinn-tshuì muá-suann pinn
啊~田園猶原好景緻
ah~ tshân-hn̂g iu-guân hó kíng-tì
想起當時細漢彼時
siūnn-khí tang-sî sè-hàn hit-sî
佮爸爸去釣魚
kah pá-pah khì tiò-hî
雖然過去的代誌
sui-jiân kè-khì ê tāi-tsì
引阮懷念在心內
ín gún huâi-liām tsāi sim-lāi
想欲倒轉來去
siūnn-beh tò-tńg–lâi-khì
倒轉來去
tò-tńg lâi-khì
看阮爸爸伊
khuànn gún pá-pah i
遙遠天邊
iâu-uán thinn-pinn
彼粒流星閃爍
hit lia̍p liû-tshinn siám-sih
月也圓
ge̍h iā înn
青梅竹馬彼个姑娘
tshing-muî tik-má hit ê koo-niû
去佗位
khì tó-uī
啊~我也每日思念伊
ah~ guá iā muí-ji̍t su-liām i
想起當時在阮身邊
siūnn-khí tang-sî tsāi gún sin-pinn
玲瓏活潑又可愛
lîng-lông ua̍t-phuat iū khó-ài
無疑今日分東西
bô-gî kim-ji̍t hun tang-sai
真情真愛猶原在
tsin-tsîng tsin-ài iu-guân tsāi
想欲倒轉來去
siūnn-beh tò-tńg–lâi-khì
倒轉來去
tò-tńg lâi-khì
看阮媽媽伊
khuànn gún má-mah i
