啥人袂想起媽媽
《啥人袂想起媽媽》Siánn-lâng Buē Siūnn-khí Má-mah
陳美雪Tân Bí-suat
——————————————
若看著人人
nā khuànn-tio̍h lâng-lâng
都有媽媽在身邊
to ū má-mah tsāi sin-pinn
孤一个走來海邊
koo tsi̍t-ê tsáu lâi hái-pinn
叫著媽媽你
kiò tio̍h má-mah lí
媽媽媽媽
má-mah má-mah
只有是海水聲音
tsí-ū sī hái-tsuí siann-im
加添阮的心傷悲
ka-thiam gún ê sim siong-pi
祈禱著月娘姊姊
kî-tó tio̍h ge̍h-niû tsí-tsí
替阮揣著媽媽伊
thuè gún tshuē-tio̍h má-mah i
每日都思思念念
muí-ji̍t to su-su-liām-liām
媽媽的形影
má-mah ê hîng-iánn
來到著繁華都市
lâi-kàu tio̍h huân-huâ too-tshī
也是揣無你
iā-sī tshē-bô lí
媽媽媽媽
má-mah má-mah
青紅燈閃閃爍爍
tshinn-âng-ting siám-siám-sih-sih
引我心內的稀微
ín guá sim-lāi ê hi-bî
等何時才會揣著
tán hô-sî tsiah ē tshē-tio̍h
每日思念的媽媽
muí-ji̍t su-liām ê má-mah
母囝會拆散分離
bú-kiánn ē thiah-suànn hun-lî
啥人來害阮
siánn-lâng lâi hāi gún
若親像路邊野花
ná-tshin-tshiūnn lōo-pinn iá-hue
無人惜花枝
bô-lâng sioh hue-ki
媽媽媽媽
má-mah má-mah
叫著你媽媽名字
kiò tio̍h lí má-mah miâ-jī
到底聽見抑是無
tàu-tué thiann–kìnn ia̍h-sī bô
阮細漢你就離開
gún suè-hàn lí tsiū lī-khui
媽媽你是在哪裡
má-mah lí sī tsāi ná-lí
